धाराशिवमध्ये ‘युरिया’चा गंभीर तुटवडा! रब्बी हंगाम धोक्यात – शेतकऱ्यांची निराशा, प्रशासकीय यंत्रणेवर सवाल

 
 धाराशिवमध्ये ‘युरिया’चा गंभीर तुटवडा! रब्बी हंगाम धोक्यात – शेतकऱ्यांची निराशा, प्रशासकीय यंत्रणेवर सवाल 

धाराशिव : मनोज जाधव 

जिल्ह्यातील रासायनिक खते व औषधे विक्री करणाऱ्या दुकानांमध्ये युरिया खताचा तीव्र तुटवडा निर्माण झाला असून, रब्बी हंगामाच्या ऐनमधल्या या संकटामुळे शेतकऱ्यांची अक्षरशः धांदल उडाली आहे. रब्बी पिकांसाठी सर्वात महत्त्वाचा घटक म्हणजे नत्र, आणि त्याची पूर्तता करणारे खत म्हणजे युरिया. शेतकरी वर्गासाठी हेच खत रब्बी पिकांचे ‘जीवनदान’ मानले जाते.

युरियाच्या वापराबाबत योग्य-अयोग्यतेची चर्चा वेगळी असली, तरी त्याशिवाय रब्बी पिकांचा विकास अशक्य असल्याचे मत बहुतेक तज्ज्ञ आणि शेतकरी व्यक्त करतात. विशेषतः ज्वारी आणि गहू या पिकांना युरियाची सर्वाधिक गरज असते.

➡️ धाराशिवला खत नाही, पण शेजारील जिल्ह्यांत उपलब्ध – नेमका दोष कुणाचा? शेतकऱ्यांचा संतप्त सवाल

शेजारील जिल्ह्यांत खत सहज उपलब्ध असताना, धाराशिव जिल्ह्यात मात्र खते गायब!

यामुळे शेतकऱ्यांच्या मनात मोठा संताप असून प्रशासन, कृषी विभाग आणि खत विक्रेत्यांकडे रोष व्यक्त केला जात आहे.

शेतकऱ्यांचा सरळ सवाल –

“खत विक्रेते दोषी? की कृषी विभाग? की जिल्हाधिकारी?”

या तुटवड्याची चौकशी व्हावी अशी मागणी शेतकरी वर्गातून होत आहे.

**➡️ दत्ता काका रणदिवे यांचा इशारा:

‘चार दिवसात युरिया मिळाले नाही तर ज्वारी-गव्हाचे नुकसान अपरिहार्य!’**

आमच्या प्रतिनिधीने मेडसिंगा येथील नामांकित बागायतदार शेतकरी दत्ता काका रणदिवे यांच्याशी संवाद साधला. त्यांनी युरिया तुटवड्याबाबत गंभीर चिंता व्यक्त करताना सांगितले—

> “आम्ही आधीच खरिपात सुलतानी आणि अस्मानी संकटामुळे उद्ध्वस्त झालो आहोत.

आता रब्बीचा हंगाम युरिया नसल्याने हातातून जायची वेळ आली आहे.

जर पुढील चार दिवसांत खत मिळाले नाही, तर ज्वारी आणि गहू पिकांवर मोठा परिणाम होईल.”.          

दत्ता काकांचे म्हणणे पुढे असे—

> “रब्बी हाच आमचा आधार होता. पण खत उपलब्ध न झाल्याने उत्पादनात प्रचंड घट येणार आहे.

शेतकऱ्यांचे कंबरडे मोडणाऱ्या संकटाला प्रशासन जबाबदार!”

**➡️ प्रशासनाची पुढील पावले निर्णायक ठरणार!

शेतकरी वाट पाहतायत ‘जिवनदायी युरिया’ची**

धाराशिव जिल्ह्यातील शेतकऱ्यांना योग्यवेळी खत मिळणार की नाही, हा मोठा प्रश्न निर्माण झाला आहे. कृषी विभागाने तत्काळ उपाययोजना केल्या नाहीत, तर खरिपानंतर रब्बी हंगामही अडचणीत येणार असल्याची भीती शेतकरी व्यक्त करत आहेत.

धाराशिव शेतकऱ्यांचा शेवटचा प्रश्न:

“आम्हाला खत मिळणार तरी कधी?”

🔴 हे संकट संपेल? की रब्बीतही शेतकरी अडचणीत?

कृषी विभागाच्या हालचालीकडे सर्वांचे लक्ष! 🔴