जयप्रकाश विद्यालयाच्या विद्यार्थ्यांनी क्रीडा क्षेत्रात भरारी घेऊन विभागीय स्तरावर निवड
प्रतिनिधी...मनोज जाधव
रुईभर : - दि 27 नोव्हेंबर रोजी जयप्रकाश माध्यमिक व उच्च माध्यमिक विद्यालय, रुईभर येथील विद्यार्थ्यांनी यशाची परंपरा कायम ठेवत क्रीडा क्षेत्रात डॉजबॉल मध्ये विभागीय स्तरावर निवड झाली आहे. या सर्व खेळाडूंना पुष्पगुच्छ देऊन मान्यवरांच्या हस्ते सत्कार करण्यात आला.
क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय व जिल्हा क्रीडा परिषद द्वारा आयोजित जिल्हास्तरीय शालेय स्पर्धा दि. 25 नोव्हेंबर रोजी उमरगा येथे पार पडल्या. या स्पर्धेत 17 वर्ष व 19 वर्ष वयोगटातील दोन्ही संघातील मुलींच्या संघाने जिल्हास्तरावर प्रथम क्रमांक पटकावत विभागीय स्तरासाठी निवड झाली आहे. तसेच 17 वर्ष व 19 वर्ष वयोगटातील मुलांच्या संघाने जिल्हास्तरीय द्वितीय क्रमांक पटकावला आहे. या सर्व खेळाडूंचे संस्थेच्या वतीने पुष्पगुच्छ देऊन सत्कार करण्यात आला व पुढील वाटचालीस शुभेच्छा दिल्या.
या सर्व खेळाडूंना विद्यालयातील क्रीडा शिक्षक प्राचार्य जयप्रकाश कोळगे प्राध्यापक प्रशांत कोळगे श्री अश्विन कुमार पवार यांनी मार्गदर्शन केले.
याप्रसंगी डॉ आंबेडकर बाल शिक्षण संस्थेचे अध्यक्ष शिक्षण महर्षी श्री सुभाष दादा कोळगे, माजी जि प सदस्य रामदास आण्णा कोळगे, माजी ग्रा प सदस्य राजनारायण कोळगे, प्राचार्य जयप्रकाश कोळगे , प्रशासकीय अधिकारी शिवकन्या साळुंके , श्री स्वामी समर्थ कला व विज्ञान महाविद्यालयाचे प्राचार्य संतोष कपाळे, इंदिरा गांधी प्राथमिक शाळेचे मुख्याध्यापक नानासाहेब शेलार, पर्यवेक्षक काकासाहेब डोंगरे , आगतराव भोयटे, राजाराम कोळगे, माजी सरपंच बालाजी कोळगे, नवनाथ गव्हाणे, सुरज जाधव, पांडुरंग कोळगे, बाबासाहेब कोळगे, पांडुरंग आगळे, सौ.निलावती वडवले, नानासाहेब पवार. शशिकांत कोळगे. शाहूराज मते. दिलदार खोंदे ,शिक्षक वृंद, शिक्षकेतर कर्मचारी विद्यार्थी उपस्थित होते.
कार्यक्रमाचे सूत्रसंचालन श्री सचिन कांबळे तर आभार श्री अभिजीत घोळवे यांनी मानले.
0 टिप्पण्या