जयप्रकाश विद्यालयाचा सुयश आडे राज्यस्तरीय व शिवजीत तीर्थकर विभागीय क्रीडा स्पर्धेसाठी निवड
रुईभर :दि 14 ऑक्टोबर रोजी - जयप्रकाश माध्यमिक व उच्च माध्यमिक विद्यालय, रुईभर चा सुयश आडे राज्यस्तरीय क्रीडा स्पर्धेसाठी व शिवजीत तीर्थकर विभागीय स्पर्धेसाठी निवड झाल्यामुळे सत्कार समारंभ संपन्न झाला.
कार्यक्रमाचे अध्यक्ष माजी जि प सदस्य रामदास आण्णा कोळगे होते. प्रमुख पाहुणे म्हणून माजी ग्रा प सदस्य राजनारायण कोळगे उपस्थित होते.
क्रीडा व युवक सेवा संचालक महाराष्ट्र राज्य पुणे अंतर्गत धाराशिव जिल्हा स्कॅश असोसिएशन यांच्या संयुक्त विद्यमाने विभागीय स्कॅश स्पर्धेचे आयोजन दिनांक 13 ऑक्टोबर 2025 रोजी तुळजाभवानी क्रीडा संकुल, धाराशिव येथे संपन्न झाले. या स्पर्धेमध्ये जयप्रकाश माध्यमिक व उच्च माध्यमिक विद्यालया त चा इयत्ता ११ वी विज्ञान वर्गातील सुयश संजय आडे १७ वर्ष वयोगटात स्वॉप्ट टेनिस, लॉग टेनिस व स्कॅश यामध्ये द्वितीय क्रमांक मिळवून उभय खेळाडूची निवड राज्यस्तरीय स्पर्धेसाठी झाली आहे व जिल्हास्तरीय मैदानी स्पर्धेत शिवजीत श्याम तीर्थकर 19 वर्ष वयोगटात 3000 मीटर धावण्यामध्ये प्रथम येऊन विभागीय स्तरावर याची निवड झाली आहे. मान्यवरांच्या हस्ते पुष्पगुच्छ देऊन सत्कार करण्यात आला व पुढील वाटचालीस शुभेच्छा दिल्या.
याप्रसंगी डॉ आंबेडकर बाल शिक्षण संस्थेचे अध्यक्ष शिक्षण महर्षी श्री सुभाष दादा कोळगे, प्राचार्य जयप्रकाश कोळगे , प्रशासकीय अधिकारी शिवकन्या साळुंके , श्री स्वामी समर्थ कला व विज्ञान महाविद्यालयाचे प्राचार्य संतोष कपाळे, इंदिरा गांधी प्राथमिक शाळेचे मुख्याध्यापक नानासाहेब शेलार, पर्यवेक्षक काकासाहेब डोंगरे , शिक्षक वृंद, शिक्षकेतर कर्मचारी विद्यार्थी उपस्थित होते.
कार्यक्रमाचे सूत्रसंचालन प्रा गणेश शेटे तर आभार प्रा प्रशांत कोळगे यांनी केले.
0 टिप्पण्या