जयप्रकाश विद्यालयातील समर्थ कोळगे याची पोस्टात पोस्ट मास्तर पदी निवड
प्रतिनिधी ...शहाजी आगळे
रुईभर : -दि १ एप्रिल रोजी जयप्रकाश माध्यमिक व उच्च माध्यमिक विद्यालय, रुईभर येथे समर्थ शशिकांत कोळगे याची (गोवा ) भारतीय पोस्ट खात्यात असिस्टंट ब्रँच पोस्टमास्टर पदी निवड झाली आहे. या निवडीबद्दल डॉ आंबेडकर बाल विकास शिक्षण संस्थेचे अध्यक्ष शिक्षण महर्षी श्री सुभाष दादा कोळगे यांच्या हस्ते समर्थ कोळगे व त्याचे वडील शशिकांत कोळगे यांचा शाल, बुके देऊन सत्कार करण्यात आला. जयप्रकाश माध्यमिक उच्च माध्यमिक विद्यालयातील विज्ञान शाखेचा तो माजी विद्यार्थी आहे. त्याने आपल्या अथक प्रयत्नातून हे यश संपादन केले आहे. आपल्या आई-वडिलांच्या श्रमाचे फलित त्याने करून दाखवले आहे. या यशाबद्दल त्याचे सर्वत्र कौतुक होत आहे.
याप्रसंगी माजी जि प सदस्य श्री रामदास आण्णा कोळगे, माजी ग्राप सदस्य श्री राजनारायण कोळगे,रुईभर ग्रामपंचायत चे माजी सरपंच बालाजी कोळगे, प्राचार्य जयप्रकाश कोळगे ,शशिकांत कोळगे , पर्यवेक्षक श्री काकासाहेब डोंगरे, शिक्षक वृंद, शिक्षकेतर कर्मचारी, विद्यार्थी उपस्थित होते.
कार्यक्रमाचे सूत्रसंचालन व आभार श्री अभिजीत घोळवे यांनी मानले.
0 टिप्पण्या