🌧️ “चार दिवसात घाम गाळून उभा केलेला सोयाबीनचा ढिगारा, एका रात्रीच्या पावसाने वाहून गेला!”

satyamevjayateexpressnews ऑक्टोबर ०५, २०२५

प्रतिनिधी...मनोज जाधव

🌧️ “चार दिवसात घाम गाळून उभा केलेला सोयाबीनचा ढिगारा, एका रात्रीच्या पावसाने वाहून गेला!”

नागुलगाव (ता. कळंब) येथे शेतकरी विशाल भोरे यांचे लाखो रुपयांचे नुकसान

धाराशिव जिल्ह्यात पावसाचा कहर सुरूच आहे. कळंब तालुक्यातील नागुलगाव परिसरात झालेल्या अतिवृष्टीने अनेक शेतकऱ्यांची चिंता वाढवली आहे. याच पावसाने शेतकरी विशाल भोरे यांचे संपूर्ण सोयाबीन पीक उद्ध्वस्त केले आहे.

चार दिवसांच्या उघडीमुळे भोरे यांनी मोठ्या कष्टाने शेतातील सोयाबीन काढणी करून गंजी लावून साठवण केली होती. परंतु निसर्गाने पुन्हा एकदा खेळ केला — शनिवारी झालेल्या मुसळधार पावसामुळे तोच सोयाबीनचा ढिगारा पूर्णपणे पाण्यात गेला.

शेतकरी विशाल भोरे म्हणाले,

“आम्ही दिवस-रात्र राबून हे पीक उभं केलं, पण एका रात्रीच्या पावसाने सर्व काही वाहून गेलं… आता पुढे काय करायचं हेच कळत नाही.”

या अतिवृष्टीमुळे भोरे यांचे लाखो रुपयांचे नुकसान झाले असून, गावात हळहळ व्यक्त केली जात आहे. परिसरातील शेतकऱ्यांनी प्रशासनाला तातडीने पंचनामा करून नुकसानभरपाई देण्याची मागणी केली आहे.

🌾 “मेहनतीचा मोबदला निसर्गाने पुन्हा हिरावून घेतला… नागुलगावातील भोरे यांचं स्वप्न पाण्यात!”

Kalamb