पद मोठं नाही, माणुसकी मोठी!” नायब तहसीलदार मुस्तफा खोंदे — जनतेच्या मनातील अधिकारी

 

      प्रतिनिधी...मनोज जाधव 

---

    “पद मोठं नाही, माणुसकी मोठी!” 

नायब तहसीलदार मुस्तफा खोंदे — जनतेच्या मनातील अधिकारी

💐 वाढदिवसानिमित्त हार्दिक शुभेच्छा 💐

धाराशिव तालुक्यातील रुईभर या छोट्या गावातून उगवलेला एक मोठा विचारवंत, संवेदनशील प्रशासक आणि जनतेचा खरा सेवक — नायब तहसीलदार मुस्तफा खोंदे...

गावाचं मूळ जरी रुईभर असलं, तरी त्यांच्या कार्याची फुलं महाराष्ट्रातील विविध जिल्ह्यांमध्ये उमलली आहेत. पद बदललं, ठिकाण बदललं… पण त्यांच्या मनातली “जनसेवेची ओढ” कधीच बदलली नाही.
दूरवरच्या जिल्ह्यात काम करत असतानाही आपल्या मातीतल्या लोकांविषयी, आपल्या जिल्ह्याविषयी, आपल्या गावाबद्दलचा आपुलकीचा धागा ते आजही तितकाच जपतात.

कार्यालयात एखादी सामान्य व्यक्ती अडचणीत येते, चेहऱ्यावर चिंता दिसते — आणि त्याक्षणी खोंदे सर ती ओळखतात. “चल बघू, काय अडचण आहे?” म्हणत त्या व्यक्तीला सन्मानाने आत बोलावून घेतात, आणि शक्य ते काम प्रामाणिकपणे करतात.

हेच त्यांच्या माणुसकीचं, संवेदनशीलतेचं आणि सेवाभावाचं खरं प्रतिबिंब आहे.

अनेक अधिकारी पदाच्या अभिमानात हरवतात,
पण मुस्तफा खोंदे यांनी नेहमीच पदापेक्षा माणसाला महत्त्व दिलं.
सामान्य जनतेशी सहज उपलब्ध राहून, त्यांच्या समस्या ऐकून, त्यावर उपाय शोधणे — हा त्यांचा हातखंडा!

त्यांच्या कार्यात कर्तव्यभावना, प्रामाणिकपणा आणि निखळ माणुसकी ओसंडून वाहते.
आणि म्हणूनच जिथे ते काम करतात, तिथे लोक त्यांना अधिकारी म्हणून नव्हे, तर “आपल्यातलाच एक माणूस” म्हणून ओळखतात.

आज या जनतेच्या मनातील अधिकाऱ्यांचा वाढदिवस!
त्यांच्या आयुष्यात यश, समाधान आणि सेवाभावाची नवी ऊर्जास्फूर्ती मिळो —
हीच शुभेच्छा… 🌸

🎂 “खरे अधिकारी तेच, जे पदावरून नव्हे तर माणुसकीने लोकांच्या हृदयावर राज्य करतात.” 🌷

    आदरणीय सन्माननीय श्री मुस्तफा खोंदे यांना सत्यमेव जयते एक्सप्रेस न्युज चॅनल परिवाराच्यावतीने वाढदिवसाच्या शुभेच्छा...