प्रतिनिधी....मनोज जाधव
धाराशिव : मेडसिंगा गावचा सुपुत्र धीरज ज्ञानोबा जाधव याची सरळ सेवेमधून जलसंपदा विभागाअंतर्गत राहुरी येथील पाटबंधारे विभागात स्थापत्य अभियांत्रिकी सहाय्यक (Civil Engineering Assistant) या पदावर निवड झाली आहे. त्यांच्या या यशस्वी निवडीबद्दल गावकऱ्यांमध्ये व मित्रपरिवारामध्ये आनंदाचे वातावरण असून, त्यांच्या सन्मानार्थ भव्य नागरी सत्काराचा कार्यक्रम पार पडला.
हा नागरी सत्कार श्री व सौ मंगल बलभीम कदम व पुष्पक गृह निर्माण सोसायटी बालाजी नगर, शेकापूर रोड येथील ग्रामस्थांच्या वतीने आयोजित करण्यात आला होता.
कार्यक्रमाच्या अध्यक्षस्थानी ज्येष्ठ नागरिक होते या वेळी प्रमुख पाहुण्यांनी धीरज जाधव यांच्या गळ्यात पुष्पहार घालून व शाल, श्रीफळ देऊन सत्कार केला. उपस्थित मान्यवरांनी आपल्या मनोगतातून धीरज यांचे कौतुक केले व भावी कार्यासाठी शुभेच्छा दिल्या.
धीरज जाधव यांनी आपल्या मनोगतात सांगितले की, "हा यशाचा प्रवास माझ्या आई-वडिलांच्या आशीर्वादामुळे, कुटुंबीयांच्या पाठिंब्यामुळे आणि मित्रपरिवाराच्या प्रोत्साहनामुळे शक्य झाला आहे. आता शासनाच्या सेवेत राहून प्रामाणिकपणे जबाबदारी पार पाडण्याचा माझा संकल्प आहे."
सत्कार सोहळ्यास बालाजी नगर परिसरातील नागरिक, मित्रपरिवार, तसेच जाधव कुटुंबाचे नातेवाईक मोठ्या संख्येने उपस्थित होते. कार्यक्रमाचे सुत्रसंचालन ची .अभिषेक तुकाराम जाधव यांनी केले तर आभार प्रदर्शन मित्रपरिवाराच्यावतीने करण्यात आले.
धाराशिव जिल्ह्यातील युवकांनी कठोर परिश्रम व चिकाटीच्या जोरावर राज्यसेवेत आपले स्थान निर्माण केल्याचा अभिमान व्यक्त करत सर्वत्र या सत्काराची चर्चा होत असून सदरील सतकारातून नवयुवकांना नक्कीच प्रोत्साहन मिळेल व येणाऱ्या काळात ते पण चांगल्या प्रकारे शिक्षण घेऊन चांगल्या पदावर नक्कीच भरारी घेतील यासाठीच हा सत्कार सोहळा आयोजित केल्याचे आयोजकांच्या वतीने सांगण्यात आले.....
याच कार्यक्रमात श्री खिल्लारे मधुकर रंगनाथ प्राथमिक शिक्षक व श्री दत्तात्रय भीमराव आगळे माध्यमिक शिक्षक हे वयोमानानुसार सेवा निवृत्त झाल्याबद्दल त्याचा सत्कार ज्ञानोबा जाधव व तुकाराम जाधव या दोन बंधूंच्या वतीने करण्यात आला
0 टिप्पण्या