जयप्रकाश विद्यालयात ध्वजारोहण व अकरावीच्या विद्यार्थ्यांचा प्रवेशोत्सव साजरा

 

        प्रतिनिधी...मनोज जाधव 

    रुईभर :- दि 13 ऑगस्ट रोजी - जयप्रकाश माध्यमिक व उच्च माध्यमिक विद्यालय, रुईभर येथे शासन परिपत्रकानुसार घरोघरी तिरंगा अभियानांतर्गत प्रत्येक कार्यालयात ध्वजारोहण व अकरावीच्या विद्यार्थ्यांचे पहिल्याच दिवशी उत्साहात स्वागत करण्यात आले. प्रवेश उत्सवावेळी विद्यार्थ्यांत उत्साह होता.

         विद्यालयाच्या प्रांगणात डॉ आंबेडकर बाल विकास शिक्षण संस्थेचे अध्यक्ष शिक्षण महर्षी श्री सुभाष दादा कोळगे यांच्या अध्यक्षतेखाली कार्यक्रम संपन्न झाला. शासन परिपत्रकानुसार घरोघरी तिरंगा अभियानांतर्गत प्रत्येक कार्यालयात ध्वजारोहण करायचे आहे.विद्यालयात प्राचार्य जयप्रकाश कोळगे यांच्या हस्ते ध्वजारोहण करण्यात आले. उपस्थित मान्यवरांच्या हस्ते इयत्ता अकरावीतील प्रवेशित विद्यार्थ्यांना पुष्प देऊन स्वागत करण्यात आले.

         याप्रसंगी माजी जि प सदस्य रामदास आण्णा कोळगे, माजी ग्रा प सदस्य राजनारायण कोळगे, प्राचार्य जयप्रकाश कोळगे , प्रशासकीय अधिकारी शिवकन्या साळुंके , श्री स्वामी समर्थ कला व विज्ञान महाविद्यालयाचे प्राचार्य संतोष कपाळे, इंदिरा गांधी प्राथमिक शाळेचे मुख्याध्यापक नानासाहेब शेलार, पर्यवेक्षक काकासाहेब डोंगरे , शिक्षक वृंद, शिक्षकेतर कर्मचारी विद्यार्थी उपस्थित होते.   

     कार्यक्रमाचे सूत्रसंचालन प्रा गणेश शेटे     तर आभार प्रा प्रशांत कोळगे यांनी केले.